Иштин   тартиби:

 

1. Лампаларды   батарея  менен  туташтыруу  үчүн  эки  кесик  зым  колдонгула.  Бул учурда  лампа  жанат. Эгерде  лампа  жанбай  калса,  зымдарды  же  лампаны,  же  батареяны  алмаштыргыла,  же  мугалимден  жардам  алгыла.

Эскертүү: Чынжыр туура чогултулгандан кийин 2-беттеги символдорду колдонуп, түзгөн чынжырыңардын схемасын кагазга чийгиле.

2. Лампага туташтырылган эки зымдын уюлдарын алмаштыргыла. Бул алмаштырууда  кандайдыр бир өзгөрүү болдубу?

3. Транзистордун   уясынын   тегерегиндеги   бир   бош   кыскычты  «ачкыч»   катары колдонуп,  батареядан  бир  кыскычка  жана  андан  лампага  туташтыруу жасагыла    (1.3-сүрөт).

 

 

 

 

4. Экинчи  лампаны  мурунку  лампа  сыяктуу  жарык  бергидей  кылып чынжырга туташтыргыла. «Ачкычты» колдонгула. Түзүлгөн чынжырларды схема түрүндө кагазга түшүргүлө. Эгерде туура эмес болсо, тажрыйбаны кайрадан кайталагыла.

5. Эгерде бирдей чынжырга эки лампаны туташтыруунун башка бир жолун тапсаңар, аны изилдегиле. Ошол чынжырдын схемасын чийгиле жана жаркырактыктын өзгөрүшүн байкагыла. Бул жаркырактыкты жалгыз лампанын жаркырактыгы менен  салыштыргыла.

Эскертүү: Лампалар бирдей жаркырактыктабы же баштапкы абалга салыштырмалуу жаркырактык кандай өзгөрдү? Жаркырактыктардын айырмалуу же бирдей болушун түшүндүрүп бере аласыңарбы? Эгерде түшүндүрө албасаңар кабатыр болбогула, бул алдыдагы лабораториялык ишти аткаргандан кийин түшүнүктүү болот.

6. Чынжырды 1.4-сүрөттөгүдөй кылып чогулткула. Потенциометрдин чынжырга тийгизген  таасирин изилдегиле.

7. Зымдарды ажыраткыла. Аларды тактадагы кутуга, компонeнттерди баштыкчага салып  койгула.